About Brain Storming, KJ Method, Fish Bone diagram

Багш маань бид нараар ямар нэг teamWork хийлгэхдээ Brain Storming, KJ Method, Fish Bone диаграм гэсэн 3 зүйлийг их ашиглуулж байгаа тул эдгээрийн талаар та бүхэндээ хургэе гэж бодлоо.

Brain Storming :

Энэ нэр томъёог манай компанийхан бүгдээрээ мэддэг гэж бодож байна. Японд ч өргөн ашиглах юм. Ямар нэг юм болвол шууд л Brain Storming хийе гэнэ. Brain Storming-ийг товч тодорхойлбол юуны өмнө багийн гишүүд тойрж суугаад ямар зүйлийн талаар ярих гэж байгаагаа хоорондоо ярилцаж limit ээ тогтоож өгнө. Өөрөөр хэлбэл өнөөдөр юуны талаар хэлэлцэх гэж байгаа болон ямар үр дүнг хүсэн хүлээж байгаа вэ гэдгээ ярилцана гэсэн үг. Дараа нь тэрхүү асуудлыг шийдэхийн тулд хүн бүр өөрийн санаа бодлыг хэлэх бөгөөд хэдэн ч санал санаачлага хэлж болно. Эсвэл хэлэхийн өмнө бүгд жижиг жижиг цааснууд дээр өөрийн шинэ санаа тус бүрээ бичээд дараа нь тайлбарлаж болно. Энд нэг гол баримтлах зарчим нь яг Brain Storming-ийн уеэр "no-criticism" байх ёстой. Өөрөөр хэлбэл хэн ч хэнийг чи буруу юм хэлчихлээ ч гэх юмуу эсвэл тухайн хүний яриаг тасалдуулж өөрийн comment-оо хэлж шүүмжилдэггй. Ингэснээр ямар нэг дүрэм журамд баригдалгүйгээр тухайн хүн чөлөөтэй сэтгэн бодож түүнийгээ илэрхийлэх боломж олдоно гэсэн үг. Brain Storming-оос гарах үр дун нь гэвэл маш олон тооны шинэ санаанууд болон асуудлыг шийдэх арга замууд байдаг. Энэ арга тун үр дүнтэй арга мэт санагдлаа. Гол давуу тал нь богино хугацаанд их мэдээллийг багийн гишүүдээс цуглуулах боломжтой.

KJ Method :
Анх Японд үүссэн аргачлал бөгөөд орчин цагийн Японы чанарын менежмэнтийн "7 багаж"-ийн нэг гэгддэг.
Энэхүү аргачлалын гол зорилго : Brain Storming-оор цугларсан олон тооны санал санаачлагуудыг эмхэлж цэгцлэн ангилж бүлэглэх.
Хэрхэн ашиглах талаар товч дурдал :
- Эхлээд хоорондоо төсөөтэй санаануудыг олж хамтад нь байрлуулна. Үүний үр дүнд хэд хэдэн бүлэг үүснэ.
- Хэрэв давхардсан эсвэл ач холбогдол багатай санаанууд байвал түүнийг устгана. Үр дүнд нь илүү дутуу юмгүй хэд хэдэн эмхлэгдсэн бүлэг үүснэ.
- Тухайн бүлгүүддээ оновчтой нэр өгнө. Үр дүнд нь нэрнээс нь хараад агуулгыг нь мэдэж болохуйц хэд хэдэн бүлгүүд үүснэ. Ингээд л болоо. Энэ нь мөн brain storming-ийн адил тун үр дүнтэй арга юм шиг надад санагдсан. Brain Storming болон KJ Method-ийг хэд хэд яг практик дээр ашигласны хувид жирийн хэлэлцүүлгээс ямар ч байсан хугацаа бага зарж байгааг нь мэдэрсэн билээ.

FishBone Diagram:

Япончуудын бас нэг өргөн ашигладаг аргачлалуудын нэг бөгөөд анх Каору Ишигава гэгч 1960 аад оны үед энэхүү диаграмыг хэрэглэсэн тул Ишигавагийн диаграм гэх нь ч бий. Мөн л чанарын мемежментийн 7 үндсэн багажийн нэг гэгддэг. Хэлбэр дүрснээсээ болоод нийтэд FishBone diagram (загасны ясан диаграм) гэж алдаршжээ.
Диаграмын гол зорилго нь тодорхой нэг үйл явдлын учир шалтгааныг үзүүлэхэд оршино.
Жишээлбэл "Offshore project failure" гээд сэдэв байлаа гэхэд Offshore ажил яагаад нурж болох тухай бүх хүчин зүлийг ангилан үзүүлнэ гэсэн үг. Ийнхүү ангилахдаа хамгийн гол хэдэн хүчин зүйлийг тулгуур болгон авч тэдгээрийг загасны том яснууд гэж нэрлэх ба тэдгээр гол хүчин зүйлд нөлөөлөх түүний жижиг яснууд гэж үзнэ. Ихэнх FishBone диаграмыг зурахад ажиглагддаг нийтлэг хэдэн хүчин зүйлүүд байдаг ба тэдгээрийг 4M, 4P, 4S гэж хураангуйлан нэрлэнэ.

• 4M : Methods, Machines, Materials, Man-Power
• 4P : Place, Procedure, People, Policies
• 4S : Surroundings, Suppliers, Systems, Skills

Өөрөөр хэлбэл ямарваа нэг үйл явдал нь ихэвчлэн дээрх хэдэн хүчин зүйлээс голчлон хамаардаг гэсэн үг.
Доор жишээ болгон энд дадлага болгон хийсэн fishBone diagram-уудын нэгийг үзүүлж байна. Сэдэв нь "Offshore project failure".